fbpx

aTVINNU- & NÝSKÖPUNARSETUR í KÓPAVOGI

Skóp er samvinnuverkefni Kópavogsbæjar og atvinnulífs bæjarins og er rekið af Markaðsstofu Kópavogs.

aTVINNU- & NÝSKÖPUNARSETUR KÓPAVOGS

Samvinnuverkefni Kópavogsbæjar og atvinnulífs bæjarins. Rekið af Markaðsstofu Kópavogs.

UM SKÓP

SKÓP er atvinnu- og nýsköpunarsetur í Kópavogi, stofnsett og rekið af Markaðsstofu Kópavogs sem samstarfsverkefni Kópavogsbæjar og atvinnulífs bæjarins. 
Við styðjum einstaklinga til að koma sínum eigin viðskipthugmyndum í framkvæmd og eflum þannig nýsköpun og fjölgum störfum í bæjarfélaginu.

Skóp er fyrir alla Kópavogsbúa sem eru með viðskiptahugmynd og vilja hrinda henni í framkvæmd. Sérstaklega verður horft til þeirra sem eru í atvinnuleit.

Við erum samfélag sem veitir skjól til útungunnar góðra hugmynda. Fræðsla og handleiðsla ásamt öflugu tengslaneti hjálpar til við að koma góðum hugmyndum í framkvæmd.

Heimsmarkmið Sameinuðu þjóðanna um sjálfbæra þróun verða höfð að leiðarljósi í starfsemi SKÓP.

Vinnuaðstaða gegn vægu gjaldi.

Fagleg leiðsögn og stuðningur frá sérfræðingum.

Skapandi umhverfi og öflugt tengslanet.

Fræðsla og upplýsingagjöf um þætti sem skipta máli í frumkvöðlaumhverfinu.

Leiðsögn við að sækja fjármögnun og nýsköpunarstyrki.

UMHVERFIÐ

Við bjóðum skapandi og hvetjandi umhverfi fyrir frumkvöðla, sem eru í leit að þekkingu og lausnum til að koma eigin hugmyndum í framkvæmd og skapa sér sín eigin atvinnutækifæri.
Við vinnum saman að því að skapa samfélag sem stuðlar að framþróun með  bjartsýni og tilhlökkun að leiðarljósi.

Aðstaðan verður í skólaumhverfi NTV skólans að Hlíðarsmára 9, 201 Kópavogi.

Þátttakaendur hafa aðgang að vinnustöð  auk aðgengi að kaffistofu og sameiginlegu rými. 

Setrið verður opið frá 12:30 til 17:30 alla virka daga.

Þátttakendur gera skriflegt samkomulag um aðild að setrinu þar sem verkefni hvers og eins eru skilgreind og tímaset. 

Allir þátttakendur fá aðgang að Office 365 og sitt eigið heimasvæði (í skýi). Þátttakendur verða teknir inn í hópum sem haldið verður sértaklega utan um (10-15 í hópi)

Haldið verður utan um hvern þátttakanda sérstaklega, framvinda verkefnis verður skráð og öllum vinnugögnum og verkefnum verður skilað inn á miðlægan gagnagrunn.

Þátttakendur fá viðurkenningarskjal að þátttöku lokinni.

BAKHJARLAR SKÓP

Kópavogsbær, Íslandsbanki og NTV skólinn eru helstu bakhjarlar SKÓP.

Bóka fund

MEÐ RÁÐGJAFA SKÓP